Psa 126 | KYG | STEP | Ala kava ne'mo'a hatu maeno lateteno Saiyoni kotegamo lavalelino e'nigetae'mo alagamuna agegekana huta mai'none.

Psalms 126

Mono notegamo ugefe nehaiya vaya'mo kate'mo nehai'apae'mo nehaya yokemae

1 Ala kava ne'mo'a hatu maeno lateteno Saiyoni kotegamo lavalelino e'nigetae'mo alagamuna agegekana huta mai'none. 2 Lusi kava huta kigi huteta lamogaga aita yoke hu'none. Alu nofi vaya'mogi, Ala kava ne'mo'a lusi kava huno hapa mae'niye, hu'a hu'nae. 3 He, lusi kava huno laha mae'nigeta lamogaga ai'none. 4 Ani'mo leno lane'niya ani kalokalopafi'mo ko'mo ne'aigeno'ae'mo ani'mo nelamige'apae'mo apamogaga ne'aiya kava huta vayatimo hatu maeka apategetao lamogaga aino. 5 Avina ya'mo nehakalaya vaya'mogimo apaunu nelamiyanage'a henaga'amo ne'ya'mo alite'apae'mo apamogaga aigae. 6 Mago vekamo'a avina ya'mo hakalesiyafe'mo alinino u'nigeno'ae'mo aunu nelamisiya'mo'mo ne'ya'amo aliteno'ae'mo amogaga aime aime egaiye.